DIA DE ROSALÍA

24 feb. 2017

O día 24 de febreiro celebramos o Día de Rosalía de Castro. Este ano cúmplese o 180 aniversario do seu nacemento e para homenaxeala dende a biblioteca do cole propoñen a seguinte actividade:
Cada neno e nena decorará a flor que levaron para casa cos versos que máis vos gusten da escritora.As flores terán que estar no cole o xoves 2 de marzo.

O venres 3 de marzo celebraremos na biblioteca do cole unha xornada dedicada a Rosalía con cancións, lecturas, videos, representacións...
E para rematar o día faremos un intercambio dos poemas(das flores feitas polos nenos e nenas)

Vos preguntaredes como fixemos as margaridas, pois coa axuda dos nenos e nenas de quinto de primaria.









MENUDAS CABEZAS

23 feb. 2017

Como xa sabedes levamos unha semana de tolos cos mandados do Meco. Mirade que guapos nos puxemos hoxe...




E mañá xa chega o día grande do desfile polas rúas de Mugardos para que vexan os nosos disfraces de trasnos que fixemos no cole coa a axuda dos pais e nais. VIVA O ENTROIDO!!!

AO COLE EN PIXAMA!!!

22 feb. 2017

Hoxe todos fomos ao cole en pixama, non pensedes que estamos tolos e outro dos mandados do Meco.



Para mañá outra vez en pixama e coa cabeza adornada.
 VIVA O ENTROIDO!!!

TODOS DO REVÉS

21 feb. 2017

Coma somos moi ben mandados todos e todas viñemos hoxe ao cole coa roupa do revés.


Para mañá  o Meco mándanos vir en pixama.

PREPARÁNDONOS PARA O ENTROIDO

20 feb. 2017

Xa está proxima a festa do Entroido e para ir preparándoa chegou hoxe ao cole O Meco que durante esta semana irá facendo mandados para que todos os nenos e nenas vaian collendo gusto a disfrazarse.

Para mañá temos que vir ao cole coa roupa do revés.

ANIVERSARIOS DE XANEIRO

17 feb. 2017

No mes de xaneiro estiveron de aniversario Uxío, Juan Fernández Martínez, Aldara e Valeria González. Moitas felicidades aos catro, sodes os maiores da clase.






Xa tedes 4 anos!!!

CELEBRACIÓN DO NADAL

16 feb. 2017

Unha das entradas que me faltaban por publicar era a da celebración do Nadal.
Para ese día tiñamos que vir todos guapos e guapas coas nosas mellores galas. Mirade que elegantes estabamos...


Para celebrar que marchabamos de vacación fixemos unha merenda cos productos tipicos destas datas.







E como non estariamos xuntos para dar a benvida ao ano novo fixemos unha simulación das doce badaladas onde en lugar de uvas tomamos doce gusanitos. Algún non aguantou os cuartos e tomounos dunha vez..






E para rematar a xornada festiva que mellor que recibir as súas maxestades Os Reis Magos de Oriente.











Plantilla creada por laeulalia basada en la harbor de blogger.