CHEGOU O APALPADOR

25 dic. 2010

Hoxe é un día moi especial nas vosas casas chegaría Papá Noel e vos deixaría algún regaliño, si non foi así non vos preocupedes porque aínda quedan os Reis Magos .
Neste día tamén pode que pase o Apalpador que é un xigante de oficio carboeiro, que na noite de Nadal baixa ás aldeas para achegarse aos nenos e nenas mentres están durmidos. Coidadosamente, apalparlles as barriguiñas para ver se están ben mantidos. Logo de desexarlles que o vindeiro ano non pasen fame, marcha deixándolles unha morea de castañas quentiñas.



A VISITA AO BELEN


Aqui tedes as fotos da visita que fixemos ao "Belén de la Orden Tercera" de Ferrol. Esta foi a primeira saída e estaban moi emocionados. Como nós somos xa maoires axudanos aos de tres anos. Que gusto da ver aos maiores coidando dos máis pequenos.


MONTAMOS O BELÉN?

9 dic. 2010

Mañá venres faremos unha saída didáctica ao "Belén de la Orden Tercera" de Ferrol. O motivo da visita é que os nenos e nenas coñezan e valoren unha obra de artesanía como é este Belén, así como ao seu autor. Si pinchades nas palabras subliñadas podedes atopar máis información sobre este Belén.

Como ao mellor vos entran as ganas de montar o voso Belen aquí tedes un xogo moi divertido. Pinchade na imaxe para poder xogar.




DÍA DA CONSTITUCIÓN

6 dic. 2010

Hoxe 6 de decembro celebramos o Día da Constitución Española. Aquí tedes unha poesía para conmemorar este día.






DEREITOS DOS NENOS E NENAS

20 nov. 2010

Dende que o 20 de novembro de 1959, a Asamblea Xeral das Nacións Unidas aprobara a Convención sobre os Dereitos dos Nenos, institucionalizouse ese día como o Día Internacional dos Dereitos do Neno.

Nos no cole levamos estos meses traballando
os dereitos dos nenos e nenas coa profe Pili e seguiremos traballando ao longo do curso. Xa vos ensinaremos o resultado do noso traballo.



Como sei que vos gusta moito cantar aquí tedes este video que fixo unha compañeira miña que se chama Ana e que está no CEE Terra de Ferrol. Moitas grazas Ana polas túas aportacións.

Espero que vos guste. FELIZ DÍA DOS DEREITOS DO NENO!!!





A FESTA DO MAGOSTO

11 nov. 2010

O pasado venres foi un día moi especial para todos nós. Celebramos o Magosto no Cole que está en Catro Camiños.

Era a primeira vez que subíamos e o pasamos moi ben. Durante todo o día estivemos alí facendo un montón de actividades que as profes nos prepararon.

Primeiro tivemos a visita da fada Douradiña coa que estivemos xogando cos nenos e nenas de primeiro e segundo, despois fomos ao patio. Cando xa estabamos un pouco cansos fomos recoller uns diplomas na biblioteca pola nosa participación na decoración con máscaras terroríficas e despois volvimos ao patio para degustar unhas riquísimas castañas asadas.

Que festa máis divertida!!!! Aquí tedes a mostra.







Días antes de participar nesta festa nós no cole de Apelón fixemos un obradoiro de colares coas castañas que nesa ocasión eran cocidas.

Mirade que ben os fixemos
.





XA CHEGA O SAMAÍN!

25 oct. 2010





Na noite do 31 de outubro celebramos a festa do Samaín. Con esta festa os celtas conmemoraban o Aninovo. Era tanto unha festa de transición (o paso dun ano ao outro) coma a apertura ao outro mundo.

Nós estos días no cole estivemos facendo máscaras e decorando o cole con cabazas terroríficas e tamén aprendendo unha canción.

Aquí vos deixo o video da canción para seguir practicando.





Come sei que vos gusta moito a canción dos esqueletes aquí tedes o video que nos serve para repesar os números.





AQUÍ ESTAMOS!!

20 oct. 2010



Ola somos os nenos e nenas de cinco anos do C.E.I.P Unión Mugardesa. Os presentamos A XANELA DE INFANTIL por onde podedes mirar, de cando en vez, as actividades que imos facendo no cole. Esperamos que vos gusten.








Plantilla creada por laeulalia basada en la harbor de blogger.